Freitag, 12. März 2010

Illa numquam dormi! ( Samara Morgan in le film "The Ring")

Io ha traducite un dialogo ex le film “Le Annello” (The Ring) in Interlingua. Rachel ha trovate un video in le dom de Senior Morgan. Le video monstra le filia de ille Samara in un conversation con un medico. Samara esseva in un hospital psychiatric proque illa numquam dormiva e monstrava obscur visiones e picturas a su genitores. Le matre de Samara, Anna Morgan jam habeva grande psychic problemas a causa de istos visiones, quales Samara monstrava a illa. In le video Samara esseva de nove annos. Secundo mi opinion iste conversation es le plus pavide parte del film.

Medico: Alora, quo es lo que impedi que tu dormi? Tu debe dormir aliquando. Esque tu sonia super alique? Samara?

Illa non responde

Medico : Lassa nos parlar super istos picturas! (Le medico tene in su manos estranie picturas. Illos simila radiographias con terribile cosas)

Medico : Samara? Como tu ha facite istos picturas?


Samara
: Io non face los. Io vide los e alora illos just existe...

Medico :Samara esque tu dice le veritate a me?

Samara: Esque io pote vider mi mamma?

Medico: No Samara. Non usque nos comprende lo quo non es in ordine con tu.

Samara: Io ama mi mamma!

Medico: Si, tu ama la, sed tu non vole facer mal a la plus. Nonne? Esque tu non vole facer mal a alicuno ?

Samara: Sed io face lo e io regreta. Isto non cessara!


Medico
: Alora isto es le causa proque tu es hic. Dunque io pote adjutar te que tu stoppa lo.

Samara: Ille va lassar me hic.

Medico:Qui?


Samara
: Papa.

Medico: Ille solmente vole adjutar te.

Samara: Non papa!

Medico: Tu papa ama te!

Samara: Papa ama le cavallos. Ille vole que io parti.

Medico: No, ille non vole isto.

Samara: Sed ille non sape!

Medico: Que ille non sape?

Le video fini.

A cause de desiro de Senior Morgan su filia Samara esseva dimittite ex le hospital. Anna Morgan occideva su filia Samara e jectava le corpore de su filia in un puteo. Samara moriva post septe dies in le puteo. Pos to Anna Morgan suicidava se. Sed le spirito de Samara ancora vive e creava un video. Cata persona, qui reguarda lo morira per le spirito de Samara post septe dies. Samara non vole justitia sed vindicantia.

Rachel e su filio ha vidite le video. Ora illa habe solmente septe dies tempore a trovar un solution. Illa visita le patro de Samara e trova le video, qual contine le conservation de Samara con le medico. Le patro de Samara surprende Rachel reguardante le video. Senior Morgan decide suicidar se. Rachel preca Senior Morgan que ille adjunte la sed Senior Morgan non vide nule sperantia e suicida se.

Senior Morgan ante ille suicide: Mi sposa non deberea haber un infante (Samara esseva adoptate per les Morgan) .... E istos picturas (quales Samara monstrava a ille) O Deo! Le cosas illa monstra a te...

Rachel: E illa ancora monstra illos!

Senior Morgan: E illa numquam cessara! Vostre apparition prova isto!

Rachel: Ubi illa es? Io debe stoppar la e si io non stoppa la, mi filio va morir!

Senior Morgan: Si, illa va facer isto! Illa numquam dormi.

Hic on pote reguardar le scenes ex le film in youtube in anglese
http://www.youtube.com/watch?v=YZnQwQ-ybx4&feature

http://www.youtube.com/watch?v=rD2RyW-DnWM&feature

Keine Kommentare:

Kommentar veröffentlichen